Motor Mawng Lio Phone Zohlonak Upade Thar

Blog

Texas ah motor mawngh pah in phone tongh cu ticket pek a si cang lai.

Motor mawng lio ah phone tongh lonak upade (texting while driving) cu Texas Governor Greg Abbott nih June 6 ah a min a thut cang i Sept. thla thawk in hman a si cang lai. “Motor mawngh lio text a hmangmi hna ruangah accident kan ton lengmang mi hi kan kham khawh nak ding ah hi upade hi tuni ah min ka thut,” tiah Abbott nih a chim.

Hi upade thar nih hin motor a kal lio ah a mawngtu nih text message kuat a kham hna lai. Upade a zul lomi cu $99 in $200 tiang dantat an a si cang lai caah ralrin cio kan herh. Hi upade hi Texas state ning in hman dih a si lai.

“Ni kum ah motor a mawngtu nih phone an hman pah ruangah minung 455 accident in an thi i 3,000 renglo fah ngai in an khawndennak an tong,”

“Ni kum ah motor a mawngtu nih phone an hman pah ruangah minung 455 accident in an thi i 3,000 renglo fah ngai in an khawndennak an tong,” tiah Texas Department of Transportation director a si mi James Bass nih a chim. “Hi a khawng mi hna hi tam deuh cu mino an si,” tiah a peh./p>

Stacey Riddle i a fanu Brianna Robinson, 19, le Jade Robinson, 17 cu ni kum khan motor mawng lio ah phone an tongh ruangah accident in an unau in mual an liam. “Ka fanu le hi kan inn hmai innka hin an rak tin than ti lai lo ti hi ka theih ko nain ka hngak peng ko hna.” “Mi tampi hi motor mawng pah zong in an phone an zoh peng le an tuahmi nih hin an mah nunnak, an dawtmi hna nunnak le an theih bal lomi hna an nunnak tiang khi zungzal in an rawhter khawh ti hi kan theih lo,” tiah an nu a si mi nih a chim.

Hi upade thar nih nunnak tampi a khah lai tiah an ruah. July 18 ah fek deuh in remh ding in an timh.

Source: star-telegram.com